كيفية تقوية قصبة القدم لتحمل الضربات القوية

[align=center]السلام عليكم ورحمة الله وبركاته
حبيت اطرح هاد الموضوع لافادة اخواننا المبتدئين سواء بلعبة التايكواندوا او بقية الألعاب و هاد الموضوع انا لم اتي به من اي كتاب او اي موقع اخر واحب ان انوه ان هذا الموضوع الذي اطرحه هوة من خبرتي كلاعب و من التدريب اليومي الذي قد تدربته على ايدي المدربين الذين تدربت عندهم و رح بلش بالموضوع مباشرة :
بشكل عام قبل ما انبلش بكيفية تقوية قصبة القدم بحب نوه
اولا : ان عظم الانسان بشكل مباشر يحتاج التغذية المناسبة من كالسيوم بشكل كبير من اجل اكتساب القوة ولكي لا ينكسر بسهولة و هذا متوافر بشكل كبير بالحليب و الالبان و مشتقاته و البيض و انا انصح بالغذاء الطبيعي لا الاعتماد على حبوب الكالسيوم الموجودة في الصيدليات لان هذه الحبوب يجب ان لا يتم اخذها الا عند الضرورة وفي حالات الكسور او نقص الكالسيوم
ثانيا : نحنا نعلم ان العظم يكتسب قوته من العضلات المحيطة به و العضلات تعطيه ايضا قوة وصلابة جيدة لذلك يجب ان لا نبعد عن اذهاننا اهمية تغذية العضلات بشكل عام من البروتينات و الفيتامينات و خاصة الموجودة بشكل عام في اللحوميات و الخضار و الفواكه و اكرر على الاطعمة الطبيعية لا البروتينات والفتمينات المصنعة .
رح بلش هلق بالتمارين يلي من شأنها تقوية الساق :
اول شي بعد توافر التغذية الكاملة يلي ذكرتها سابقا لازم نقوم ببعض التمارين يلي من شأنها تقوية عضلات القدم بشكل عام :
1- تمرين الجري ضروري جداً من اجل تقوية عضلات الساق وبحب التنويه انوا الركض لازم يكون على رؤوس الاصابع مشان بطة القدم تكتسب قوة وبنفس الوقت العضلات المحيطة بقصبة الساق
2- تمارين السويدية ضرورية جدا طبعا رح اتقلولي هالشي ما الوا علاقة بقصبة الرجل لا بحب اقول الكن انوا التمارين السويدية وخاصة المتعلقة بالقدمين و التي من شأنها جعل عضلات الساق أكثر مرونة مفيدة جدا من اجل قصبة القدم فعندما يتعرض اللاعب الى ضربة على قصبة قدمه فأن مرونة العضلة قد تخفف من قوة الضربة .
3- هلق رح انبلش بالجد : لازم يكون عندك عصاية خيزران اتكون قوية وتتحمل ضرب ما تنكسر رح اتقلي شو رح ساوي فيها رح قلك شو رح اتساوي فيها يوميا في اوقات الفراغ امسك هالعصاة واضرب فيها على قصبة قدمك طبعا لازم اتبلش عمهل مو بقوة يعني الضربات على قصبة القدم لازم اتبلش من الضربات الخفيفة الى الضربات القوية بس مو بسرعة و مو بنفس اليوم كل يوم لازم انزيد قوة الضربة شي خفيف مع الانتباه وقت بتحس بوجع ما لازم اتزيد قوة الضربة لازم اتخفف شي بسيط حسب قدرة تحملك مشان ما يصير معك اصابة بالقدم كمان لازم تنتبه انه يمكن يصير ازرقاق في المنطقة يلي بتضرب فيها ووقتها لازم اتوقف التدريب لبين ما اطيب القدم هاد التدريب الاولي مشان تقوية قصبة الساق وممكن تطبيقها على مشط القدم كمان طبعا هالعملية بدها وقت كبير لبين ما تقسى القدم و يصير في قدرة على تحمل الضربات و ممكن اذا صارت قصبة الساق قوية لدرجة تتحمل قوة عصاية الخيزرات مع امكانية كسر عصاية الخيزران على القدم ممكن ننتقل للمرحلة الثانية .
المرحلة الثانية : بعد انتهائنا من المرحلة الاولى و طبعا هية مرحلة مانها سهلة بالنسبة للمبتدئين فرح ننتقل للمرحلة الثانية و التي هية ضرب دولاب سيارة بس طبعا انا بحكي على دولاب الخارجي الايطار الخارجي يعني بدون الايطار الداخلي فقط الخارجي كمان مثل التمرين الماضي لازم نضرب الحركات يلي اتعلمناها على هاد الايطار مثل حركة الدويو تشكي على هاد الايطار و لكن بقصبة الساق وممكن انقوي مشط القدم كمان بنفس الطريقة مع مراعاة مراحل قوة ضربة القدم على الدولاب مشان ما نتعرض لاصابة و بحب ركز على كلمة مراحل قوة الضربة من الخفيف للاقوى حسب قدرة التحمل .
طبعاً هاد التمرين انا طبقته وما زلت اتدرب عليه منذ 6 سنوات وبحب كرر اني لست مسؤولا عن سوء ممارستكن لهاد التمرين طبعا التمرين بدو يكون تحت اشراف مدرب و بركز بعد اكتساب القوة المرادة لقصبة الساق و مشط القدم انصح بعدم ضرب الاشياء الصلبة كالحائط او او الشجر لكي لا تتعرضوا لكسر في القدم او تمزق بالعضلات المحيطة بالساق التدريب و قوة التحمل المراد الحصول عليها هوة من اجل الضربات اثناء البطولات او المشاكل التي تعترضك في الشارع مثل ضربة عصا او ضربة نينشاكوا على القدم .
و اتمنى للجميع الافادة وان اكون قد أفدتكم و لم الحق الاذى بكم . [/align]

 

مشكور اخي العزيز

 

تسلم كابتن هيثم وبتمنى اذا كان في طرق اخرى ان تفيدونا بها

 

شكرا لك النمر الأسمر

بس ياليتك كتبت الموضوع بلون غير الأسود لأن الخلفية لونها أسود؟

 

جزاك الله خيرا وغفر لك ذنبك

 

جزاك الله خيرا على موضوعك وعلى اهتمامك بنا ألا نؤذى

 

جزاك الله خيرا

 

تسلم ياااااا كابتن

 

شكرا

 

مشكووووووووووووووووووووووووووووووووووور:showoff::clap:

 

مشكور على التمرين ولكن ما بتخيل حالي أقوم بهذا التمرين بدون مدرب خبير ليتدخل في حال الإصابة :no:

 

زميلي نجم المستقبل ممكن انك اتقوم بهاد التمرين لوحدك بس من الافضل انك اتقوم به تحت اشراف مدرب و بهي الحالة المدرب هوة يلي بيتولى امور ضرب العصا على القدم بحسب خبرته وليكن بعلمك انوا مو كل المدربين عندهن الخبرة الطبية اللازمة وقت الاصابة للاسف لهيك انا بفضل ان يكون التدريب تحت يد متدرب قد تدرب على هذه الامور او مدرب لديه ايضا الخبرة الطبية

 

مشكووووووووووووووووووووووووووور

 

كلامك صح 100% :blush-anim-cl:

 

يعطيك العافية ياكبتن

 

جزاك الله كل خير

 

[align=center]معلومات مفيدة جدا شكرا لك[/align]

 

شكرا على المعلومات المفيدة

 

رائع جدا شكرا

 

بارك الله فيك اخي العزيز على المعلومات المفيدة