احتراف ال mma

السلام عيكم
عايز اسال الناس الخبره فى اللعبه دى
هل لو سافرت مثلا الامارات ولعبت هناك mma او اى لعبة قتاليه هل يمكن الاكتفاء باللعبه يعنى اكون متفرغ تماما للعب ويكون راتبى منها فقط ؟ ؟
يعنى هل هناك اهتمام بالالعاب الرياضيه ولا زى مصر اللى بيلعب اللعبه لازم يصرف عليها من جيبه ؟

 

شوف ياأخى الفاضل
أنواع البطولات الاحترافية بشكل عام سواء قتال مفتوح أوغيره من الناحية المادية كالآتى :-

1) بطولة تعقد معك عقد لفترة محددة وتعطيك مبلغ كبير للتعاقد بشرط أن تلعب لهم عدد من المباريات خلال موسم معين وتتفرغ للتدريب فقط مثال ufc

2) بطولة تعطيك مكافأة عن مشاركتك باحدى حفلاتها اضافة الى تذكرة الطائرة والفندق ولا تكلفك شئ مثل الآردن dfc

3) بطولة لا تدفع لك أى مقابل للعبك بحفلتها الآولى وتكون تكاليف السفر والاقامة وكل شئ عليك ثم اذا أثبت وجودك يعقدوا معك عقد مثل adfc فى الامارات

4) بطولة لا تعطيك أى مقابل للقتال فيها سوى اللقب وحزام البطولة اذا استطعت الفوز مثل effc فى مصر

5) بطولة تدفع فيها اشتراك كبييييير للمشاركة ولا تحصل على شئ سوى شهادة وميدالية

 

شكرا كابتن كرم على الرد وانا متابع البطولة بتاعت حضرتك وماشاء الله نجاح ساحق ارجو لاستمرار.........
ليا طيب كام سؤال يا ريت ترد عليهم بم انك خبره
1- هل النظام اللى حضرتك قولت عليه ده متوافر فى لعبات اخرى زى الملاكمه او الساندا ؟ ؟ ؟ ولا ال mma فقط ؟ ؟ ؟
2- اعمل ايه واروح لمين لو عايز اتفرغ للتمرين فقط و يكون ده شغلى ؟ ؟ ؟ انا بلعب ساندا وملاكمه احيانا وكمال اجسام بس عايز احترف اما فى الملاكمه او mma

شكرا يا كابتن على الاهتمام

 

الله يكرمك ويبارك فيك ياأخى

بالنسبة للأسئلة

1- هل النظام اللى حضرتك قولت عليه ده متوافر فى لعبات اخرى زى الملاكمه او الساندا ؟ ؟ ؟ ولا ال mma فقط ؟ ؟ ؟

ملاكمة - كيك بوكسينج - كيه وان - مواى تاى - قتال مفتوح كلهم نفس النظام

- اعمل ايه واروح لمين لو عايز اتفرغ للتمرين فقط و يكون ده شغلى ؟ ؟ ؟ انا بلعب ساندا وملاكمه احيانا وكمال اجسام بس عايز احترف اما فى الملاكمه او mma

للآسف مستحييييييييييييييييييييييل المستحيلات لازم تثبت نفسك بعدة بطولات رسمية محلية فى أى لعبة وتحاول المشاركة ببطولات دولية تعقد داخل مصر وخارجها على حسابك الخاص وبعدها هتلاقى المنظمين يهتموا بيك - ده بالنسبة لباقى الآلعاب القتالية - أما القتال المفتوح فكما سبق وحكيت لك مش محتاج يكون معاك أى بطولات تانية قبلها كل مافى الامر انك تمتلك مهارات كويسة وفورمة حلوة ومسألة التسويق دى خليها على الله من خلال العبد لله اذا بتثبت قدرتك فى مباريات محلية بسيطة أو حتى فى التمرين بتفوقك على لاعبين أقدم منك وحققوا فوز قبل كده فى القتال المفتوح

 

تمام يا كوتش
يعنى افهم من كده ان الواحد لو لعب اللعبه دى فى مصر وبقى كويس ممكن تجيلو فرصه انه يحترف ؟ ؟ ؟
هى اللعبه دى فلوسها كويسه زى الملاكمه كده ولا اقل ؟ ؟ ؟
شكرا لتعبك معايا يا كوتش بس عايز افهم

 

ياأخى ده من حقوقك الدستورية المكفولة لكل مواطن انك تفهم رايح فين بالظبط
بالنسبة لفلوسها فهى تبدأ من 500 دولار للمباراة الاحترافية وصولا الى عقود بملايين الدولارات بس ده فى منظمات الوصول ليها شبه مستحيل
واما عن الفرص للاحتراف فهى موجودة دائما وفى عدد من المصريين لعبوا فعلا برة مصر زى كابتن عمرو مزيد ووائل كاريكا ومصطفى الآزرق وعمرو دوانسى وغيرهم كتييييييييييير بس أنت توكل على الله وابدأ تدريب ومتفكرش فى خطوة غير لما تحقق اللى قبلها

 

شكرا يا كوتش عالاهتمام
بس هسالك تانى معلش بس انت اسمك كرم يعنى اسال وانا مطمن
بعد اد ايه ممكن ادخل مباراة احترافيه ؟
وهل حد فعلا تعرفه دخل مباراه احترافيه وخد الفلوس دى ؟
معشل اصل الحوار ده فى دماغى وان شاء الله اقدر احقق حلمى

 

تحت أمرك يااخى
بعد أد ايه ؟ دى حاجة بتاعت ربنا
هل حد أعرفه راح ؟ أنا وواحد من لاعبينى جتلنا فعلا تذاكر الطيران واتحطينا فى جدول مباريات احدى المنظمات بس هو امتحاناته بدأت وأنا اتمنعت من السفر فى المطار لاعتقادهم الغبى انى ههرب عشان أشتغل

 

بارك الله فيك

 

هههههههههههههه انا اسف علي الضحك كابتن صلاح و لكن فعلا اعتقاد غبي جدا و سبب يشل بس لاتحزن لايوجد نصيب لك ان شاء الله المري القادمه احسن

 

جزاك الله خيرا كابتن كرم
والله أفدتنا حقا ...

 

أخى المصراوى ولايهمك لآن ده من حقوقك المكفولة دستورياكمواطن مصرى انك تضحك على أوضاع بلدنا وربنا يولى من يصلح

كابتن كاوازاكى أنا عاجز عن شكرك لاهتمامك بمواضيعى المتواضعة

 

شكرا لكل من تعاونو لمساعده thebodybuilder و جزاهم الله خيرا