عم دقدق رئيسا لجمهورية مصر العربية

عم دقدق رئيسا لجمهورية مصر العربية

انا باقول نرشح عم دقدق اللى قاعد على باب الشارع لان هو فيه مواصفات كتيرة كويسة


1)انه أمين
2) قانوع جدا يعنى لما يطمع شويه حيسرق جنيه او لما يجنن يسرق عشره
3) لما يعيش فى القصر الجمهورى مش حيرضى يطلع منه الا على النقاله ودة لوحده يجعله يخشى الطرد ويرجع تانى للشارع لذا حيشتغل بضمير
4) عم دقدق مش بيخلف خالص لذا امراته تركته لوحده فى الشارع وهكذا لن يفكر فى التوريث نهائيا
5) عم دقدق فى الحقيقه اخرس فقط لا يتكلم وبهذا مش حيوجع دمغنا بالخطب والكذب ومش حيقدر يعطى اوامر للوزراء لكى يخرسوا الشعب
6) عم دقدق رجل حنين جدا وانا شاهد على هذا بنفسى ولذا لن تجد محتاج فى بلدنا
7) عم دقدق رجل اقتصادى جدا بيرضى بالقليل جدا وعصامى واكيد حيعمل كل شىء
فى البلد لوحدة وبذالك لن نحتاج الى جيش المستشارين والوزراء ووكلاء
الوزراء وغيرهم وبهذا هانوفر اجورهم
عم دقدق رجل محترم ومحبوب من كل اهل الحى لذا لن يحتاج الى حراسة شخصية
ولا ان يغلق الشوارع طوال اليوم حتى يمر ولهذا لن يحتاج الى الامن المركزى
علشان يقف طول النهار قفاه الى الشارع ووشه الى الحيط
9) فيه احتمال ان عم دقدق يرفض يسكن فى القصر الجمهورى ويصر ينام على رصيف الشارع وبكده اهو يحرس الشارع كمان
10) عم دقدق عمره ما كسف احد فى حياته ودائما عندما يتكلم مع النساء ووجهة الى الارض مع انه اعمى لا يرى فقط
11) عم دقدق لا ولن يستمع الى وشايه من احد ولا ولن يثق فى الداخلية ولا
فى اى اجهزة مخابرات لانه انسان عاقل جدا مع انه اطرش لا يسمع فقط.
لذا ضعوا ايديكم فى يدى لكى ننتخب هذا الرجل اللقطة ومش حنلاقى حد زيه
ووداعا عمر بن عبدالعزيز وجده الفاروق عمر لانه مطلوب فى دول تانيه بس انا
مخبيه عندى ومش خسارة فى مصر علشان مصر هى امى ونيلها هو دمى وشمسها فى
سمارى حتى لونى قمحى لون نيلك يا مصر
ماتلاقيش مثالها ست كل عصر ​

 

يعطيك الف عاااافية

على الموضوع

 

يارب يخليك ويبارك فى عمرك حبيبي مرورك شرف لى

 

100100 يا كابتن على

 

يارب يخليك يا كابتن محمد يا غالى

 

يعطيك العافيه كابتن علي عبد العزيز

 

يعنى موضوع حلو ولا اى كلام بصراحه يا ريم