مشكله يا ريت حد ينصحنى

السلام عليكم
انا اعشق لعبة الملاكمه جدا ونفسى العبها لكن مفيش مكان قريب منى اقدر اتدرب فيه كل الانديه اللى فيها ملاكمه بعيده عنى يعنى ممكن مشوار النادى لوحده ياخد 5 ساعات بدون مبالغه يعنى اخرج من البيت وارجع بعد 5 ساعات وطبعا احنا فى ايام دراسه ومحتاج الوقت بشده
بجانبى نادى يمرن الساندا كونغ فو وده جنب البيت وفعلا اتمرنت شويه كونغ فو
لكن
ما زال حلم انى العب ملاكمه شغال فى دماغى ومش قادر اشيله من دماغى
فى رأيكم تنصحونى اعمل ايه ؟
اكمل ساندا وممكن ادخل بطوله للملاكمه لما تتاح لى الفرصه ؟
ولا اكمل ساندا واحاول انسى الملاكمه (رغم ان ده صعب جدا بالنسه لى )
يا ريت حد يريحنى ويقولى هل لو استمريت فى الساندا ودخلت بطوله للملاكمه هل استطيع انى العب فيها ولا لاء ؟

معلش سؤال تانى ملوش علاقه بالرياضه بس مساعده من المصريين اللى دخلوا الجيش:
انا وحيد وعندى اربع اخوات بنات هل بكده هاخد اعفاء من الجيش
لو اه
هل اجراءات الحصول على الاعفاء سهله ولا هتمرمط زى اللى بيدخل الجيش وهل ليا كشف طبى ولا هاخد ورقى وخلاص ؟

 

السلام عليكم ورحمة الله وبركاته

أخي الكريمthebodybuilder

تحياتي لشخصك الكريم لي عندك سؤال أولا

لقد قلت أنك بينك وبين أقرب نادي ما يقارب الخمس ساعات أنت أين تسكن لإفادتك

الإجابة علي سؤالك هو لو أنك تعشق لعبة الملاكمة بهذا الشكل فأنصحك أخي الكريم بتحدي الصعاب كي تمارس هذة اللعبة (الملاكمة) ( لعبة الفن النبيل ) لأنني من كلامك التمست مدي حبك وعشقك لهذة اللعبة الجميلة فلن تعطي لعبة مثل ما قد تعطي تلك اللعبة نهائيا

أما بالنسبة لسؤالك عن التجنيد فأنت غير متوفر فيك شرط من شروط الإلتحاق بالجيش المصري لأنك علي حد قولك ولد وحيد علي أربعة بنات

بالنسبة لإستخراج شهادة المعافاه فهي بأمر الله سهلة وليس بها عقبات ولكن عليك أن تذهب بالموعد المحدد لك وهو سن الخدمة العسكرية المصرية

وفقك الله لما يحبه ويرضاه ولا تنسي إخباري مكان سكنك حتي أحاول مساعدتك في إيجاد مكان تدريب خاص بالملاكمة

والسلام عليكم ورحمة الله وبركاته

 

شكرا لك اخى على الرد
انا مقولتش بينى وبين النادى مايقرب 5 ساعات انا قولت المشوار كله هياخد 5 ساعات ذهاب واياب وتمرين
انا ساكن فى الاسكندريه فى منطقة طوسون واقرب نادى للملاكمه هو الشبان المسلمين فى الشاطبى يعنى مسافه كبيره
يا ريت لو تقدر تفيدنى فى مكان قريب منى للملاكمه لو حضرتك من اسكندريه
شكرا مره تانيه للمساعده

 

السلام عليكم ورحمة الله وبركاته أخي الكريم تشرفت بيك وبأهل الإسكندرية الكرام

للأسف انني لست من محافظة الإسكندرية أنا من القاهرة

وبأمر الله سوف أسعي في هذا الموضوع لإيجاد ماكن خاص لتدريب لعبة الملاكمة

والسلام عليكم ورحمة الله وبركاته

 

شكرا للاهتمام يا كابتن
بس عارف يا كابتن انا ممكن استمر فى لعبة الساندا لغاية ما ربنا يكرمنى والاقى نادى قريب منى بس المشكله انى اعتبر اكبر واحد فى اللعيبه لان كلهم عيال صغيره ومش موجود غير 5 او 4 لعيبه يعتبروا كبار بس هما مواليه 90 او 91 وانا مواليد 88 ده اللى معقدنى من التمرين هنا