اهداء للسنسي / ذياب العسيري

ابكتب في سما بوظبي قصة انسان
رفع رياضة ساميه للعرب قام ينشرها



عن الي سقا زرعه وانتجت فرسان
يعلمهم دروب الخير قبل يحصد نتايجها



وينشهد له في منبت التاريخ بستان
من يزرع الثمره ينعم يوم محصدها



هو مدرب وصديق خلني اقول اخوان
علاقة الاب والابن بين الطالب ومدربها



ذياب جعل للايكيدو في ابوظبي شان
رفع راية الدوله في الميدان يبصمها



صحيح انه سنسيه لاكن بمرتبة شيهان
يكفي انه من ارض(ن) خليفه حاكمها



الايكيدو فن وابداع وقتال بلا عدوان
يعني ضبط للنفس دون ايذاء مهاجمها



التنكان حركه يبغى الها لفه ودوران
والنكيو ضغط ع المفصل دون تكسرها



واليوكو اوكيمي سقطه تسحر كل الاعيان
شقلبه في الجو والارض بايدك تضربها



والماي اوكيمي يبغي لها سلاسه واتقان
والشيهوناجي ايد الخصم لازم تلفها



الايكيدو تلقى فيه اخلاق تناسب الشجعان
والعفو عند المقدره من ابرز اساليبها



الايكيدو فن يناسب جميع الاعمار الاوزان
والتكنيكات على كل الاجسام تقدر تطبقها



وانا بهديله من بحور الشعر مرجان
قصيدة في ذياب العسيري قلت اوصفها

اهداء الى: السنسي / ذياب العسيري
من كلمات: مؤيد العقربي

 

والله يستاهل الكلمات الصادقه هذه السنسي ذياب العسيري