مواي تاي فى مصر 2+1= 5

طبعا يا جماعة فى ناس كتير تحب خلط الآوراق

ولما تحرجهم فى نقطة محددة فتجدهم يتحولوا من موضوع الى موضوع

وسبب كتابتى لهذا الموضوع هو ان فى واحد محترم بيحقد عليا وعلى نجاحى فى المواى تاى حاول ومعرفش ايه السبب انه يدخل فى شغلى بالمكان اللى أنا شغال فيه بدل منى

والله لوكان الموضوع بالسيرة الذاتية ماكنت ظليت يوم واحد بالمكان ولكن الكفاءة وحب الناس هم الآساس

فهناك من بعض الناس من يقول انه بيفهم مواى تاى أو بيدرب مواى تاى

فلما تسأله معاك أى مستوى ؟

اتعلمت مواى تاى عند مين ؟

منذ متى وأنت تمارسه ؟

معاك دورات ايه ؟

طب بلاش كل ده

فى كم ركبة بالمواى تاى وايه هم ؟

فى كم كوع وايه هم ؟

فى كم ركلة وايه هم ؟

فى كم كلانش ؟

طب ايه قانون المواى تاى ؟

طب ايه أى حاجة فى البتنجان ؟

فتجده يتحول من الموضوع الرئيسى الى شئ أخر ويقول

أنا بطل عالم كيك بوكس
أنا بطل جمهورية ساندا

فنقول لهؤلاء مايلى :-

ياعمى زيد غير عبيد

ومش معنى انى كويس فى الجودو انى أكون كويس فى الجوجتسو

ومش معنى انك كويس فى الساندا أو الكيك بوكس انك أستاذ فى المواى تاى

ياريت الكلام ده يكون مفهوم كويس

وأنا عن نفسى لم أدعى يوما أنى بطل بالساندا أو بالكيك بوكس ولكنى بطل جمهورية بالمصارعة الرومانية وزن 74 كجم عام 2005 وتركتها بسبب خلع بالكتفين الآيمن ثم الآيسر وهذا لا يمنعنى أن أكون كويس فى المواى تاى أو الجوجتسو اللى أدخلتها مصر بمساعدة كبيرة من كابتن أحمد الهولى حفظه الله ولنعلم دائما ( الشجرة المثمرة تقذف بالحجارة )

والسلام عليكم

 

والله كلامك صح يا كابتن كرم بس هنعمل ايه

ربنا يهدى

 

والله ياكابتن محمد

الآشكال دى تعبتنا أوى وهم سبب تخلف البلد دى

ان كل واحد يعمل نفسه دكتور ومهندس وطيار وفيلسوف

 

اصحبت الرياضة والفنون القتالية كالسلع والكثيرين يسعون للاحتكار
سلمت يداك يا كابتن على الموضوع

 

الله يبارك بيك يادكتور

 

الكثير ينسى أن التخصص أفضل من التوسع وممارسة أكثر من لعبة
والهدف من هذا هو السعي وراء الشهرة ليقولوا الناس أن المدرب الفلاني عنده فن كذا وفن كذا وفن كذا
ولا بأس من أن يستفيد النس من ألعاب أخرى وحركات أخرى ، لكن أن يدعوا أنهم مارسوا الفن الفلاني والفن الفلاني والفن الفلاني بالكامل ، فلا أعتقد أن هذا صائب

كل الودّ كابتن كرم

 

أهلا وسهلا ياكابتن أبو سهيل
فعلا كلام سليم
ممكن ناخد من كل بستان زهرة
لكن أن نكون متخصصين فى كل شئ فى وقت واحد فهذا مستحيل