خدعوك فقالوا ..... عادى

السلام عليكم ورحمة الله وبركاته ​

خدعوك فقالوا ..... عادى




مش هقلع طرحتي يوم فرحي عشان ليلة العمر... لا مش عادي
مش هرقص في فرح بنت خالي عشان صلة الرحم... لا مش عادي


مش هحكي لزميلي في الشغل مشاكلي العائلية.. لا مش عادي
مش هروح الشاطيء والبس مايووه.. لا مش عادي


وكفايا بقى كلمة عادي.. لاننا متخلقناش عادي
ولا هنقف نقول يارب... اصله كان عادي
!!

عادي كل البنات مصاحبين.. وانا يلا اصاحب.. لا مش عادي
عادي كلهم مسافرين...وانا يلا اسافر.. لا مش عادي


عادي تقصير الجوب على البووت.. عشان ابقى على الموضة.. لا مش عادي
عادي اركب عربية جوز اختي.. مهو زي اخويا... لا مش عادي


وعادي بن عمي يبعت لي رسايل تهريج.. اصله زي اخويا.. لا مش عادي
وعادي اكدب على أهلي ..مهي كدبة بيضا... لا مش عادي


عادي اروح شغلي متاخر وازور امضتي..مهو كله عادي.. لا مش عادي

عادي نحط صورنا الشخصية على الفيس بووك
عادي محنا لابسين الحجاب -لا مش عادي


عادي نتعرف على بعض ونشات مع بعض .. مش هنقول حاجه عيب.. لا مش عادي
عادي اكتب رقم تليفوني وبياناتي الشخصية.. محدش هيعمل لي حاجه.. لا مش عادي

وكفايا عيشه عادي
لاننا مش عايزين ينكتب على قبرنا
"هنا كان يعيش السيد عــادي"
!
​

 

موضوع جميل جدا جدا بارك الله فيك اخى

 

موضوع جميل ورااااااائع

 

بصراحة من اجمل وافضل ما قرات
الف شكر اخي
وجزاك الله خير وبارك الله فيك
وفي انتظار كل جديد ومميز منك اخي الكريم
تحياتي
اخوك

 

بارك الله فيك كابتن أحمد على الموضوع الرائع جدا والمفيد
وأرجو أن نرى مواضيعك أكثر منك رائعة كهذا الرائع
كل الودّ