مواي تاي أنت بتتعلم التاي ليه؟ (نيتك ايه وانت بتتعلم)

بسم الله الرحمن الرحيم

قال رسول الله صلى الله عليه وسلم(انما الاعمال بالنيات وانما لكل امرا ما نوى) صدق رسول الله صلى الله عليه وسلم
وانا قاعد على المنتدى خطر في بالي سؤال حبيت اشارككم فيه هو انا بتعلم تاي ليه والشباب بيتعلموا فنون قتالية ليه؟ للاستعراض ادام البنات؟ ولا للدفاع عن نفسهم وقت الحاجة ؟ ولا للبلطجة وفرض الراي بالقوة؟ ولا لايه بالظبط؟؟؟؟
بصراحة انا اول ما قلت هتدرب تاي كانت دي اول مرة في حياتي اصلا اتدرب اي لعبة مكنتش حتى لعبت قبلها بلي في الشارع وندمت انه ضيعت عشرين سنة من عمري من غير ما امارس رياضة وكانت اول لعبة العبها في حياتي هي التاي واتصدمت بقوة التدريب مكنتش بقدر امشي على رجلي من الوجع اللي في القصبة واخدت في الاول راحة المهم يعني نيتي في الاول كانت للرياضة وانه العقل السليم في الجسم السليم شوية بدات انسى انا بلعب واتمرن ليه وبعدين بدات اشوف بطولات قلت نفسي اشارك في بطولة وقلت هتمرن الاجازة دي جامد جدا وهفضل مواظب في التمرين مع الدراسة يعني بدا يحصل لي تشويش في الهدف انا بتدرب ليه يا ريت كل مدرب يسال السؤال ده لتلامذته عشان يبقى الهدف واضح ومشتعل ادامهم ويديهم حماسة واصرار ويا ريت كلنا نصحح نوايانا ويكون ده لله من باب واعدوا لهم ما استطعتم من قوة عشان يكون كل نقطة عرق نعرقها بثواب وميروحش مجهودنا على الفاضي كده وغير كده لازم كل واحد يوازن بين دراسته وبيه الرياضة ميخليش حاجة تيجي على حساب التانية ومستني رايكم ومعلش طولت عليكم اعذروني

 

أنا عن نفسى كان دخولى لمجال التاى بوكسينج من قبيل الصدفة ولما استمريت فيها فترة واتمرنت مع كابتن عمر النعيمى وبعدها أخذت الدورة التدريبية مع الماستر سامى القبلاوى فبدأت أفهمها أكتر وبالتالى أحبها
وده سبب استمرارى فيها لحد دلوقتى الى جانب خبرتى السابقة فى المصارعة وخبرتى الحديثة بالجوجتسو تمهيدا للقتال المفتوح ان شاء الله رب العالمين

 

السلام عليكم ورحمه الله وبركاته
انا ادربت علشان البنات ههههههههههههههههههههه يامحمد رجب لو علشان الشارع الفنون القتاليه اول شياء اخلاق وذوق واحترام للجميع الذي يفكر بل الانتقام والبنات والاشياء هذي سوف يفشل بي اقرب فرصه عليه ان يتدرب لكي يكون رياضي والى اجل مساعدة الاخرين وحب الناس والتمرين هو من يصنع الابطال ويجعل الاسود تعلب وتفوز اتمنا الكم النجاح على طول وباذن تكونون احسن واحسن ويامحمد رجب ملكش دعوة بي احمد ههههههههههههه اللي يهزم معنوياتك

 

نسال الله ان يصلح قلوبنا وقلوب المؤمنين يالله

 

حبيبييييييييييييييييييييييييييييي الكابتن عمر ازيك يا باشاااااااا بتذاكر ولا ايه؟؟؟؟ بلاش اسيح لك ادام الناس انا مبسوط اوي انك دخلت وعلى فكرة انا طرحت الموضوع لتصحيح النوايا وتوضيحها لانه وضوح الهدف بيشعل الرغبة وخصوصا لما يكون هدف سامي ونبيل انا بس جبت سيرة البنات والبلطجة والكلام ده عشان كل واحد ينبه من حوله لانه فعلا في ناس بتدرب عشان كده وخصوصا بتوع كمال الاجسام طبعا دول بتوع المنظرة كلها مع احترامي طبعا للمحترم منهم واوعى تفهمني صح قصدي اوعى تفهمني غلط انت عارفني طيب وغلباااااااااااااااااااااااااان اوي وحسنة قليلة تمنع بلاوي كتيرة يا ريت تجمعوا لي قرشين في المنتدى يعينوني واحشني يا ابو الكباتن تخلص بس الامتحانات وهتلاقي اسد يزأر في الصالة عندك او قطة تنونو انت ونصيبك يعني وسلم لي على الكابتن بسام

 

جزاك الله خيرا على الموضوع