الدورة الاولى المجمعه للدفاع عن النفس

السلام عليكم و عيد مبارك على الجميع. بكل الحب و الود نعود اليكم بعد شهر الرحمة و المغفره كى نبدأ مرة اخرى سلسلة أحداثنا التى طالما كانت بناءا على طلباتكم و رغباتكم احبائنا
بناءا على استفساراتكم السابقه حول الدورة المجمع للدفاع عن النفس قررت الجمعية المصرية للرياضات الفردية و النزالية برنامجا كالتالى

تقام فعاليات الدورة فى السادس من اكتوبر 2009 على صالة العاب كلية رياض الاطفال من الساعه السادسه الى الساعه الثامنه مساء
مدة الدورة 6 ايام متصلة
هدف الدورة و اعداد الشخص سواء العادى او الممارس للرياض عامه اى كان سنه او وزنه من الجنسين للدفاع عن نفسه بصورة عمليه جدا عير مرتبطه بمهارات او متطلبات لرياضه معينه
و للتصدى للمواقف التى قد تصادف الفرد فى الشارع - ف الاماكن الضيقه - فى المواصلات -فى سيارتك الخاصه - مواقف التحرش و التعدى الجسدى - مواقف التهديد بالسلاح - مواجهه اكثر من متعدى
بعض الاسماء المقترحه للتدريس فى الدورة

كابتن هلال احمد مفوض المواى تاى الرسمى بمصر و حاصل على المستوى 12 للمواى تاى و الدان الخامس للكيك بوكس
كابتن محمد السيد عمر مدرب الجودو و مقرر لجنه الايكيدو بالاتحاد المصرى و الدان الخامس للايكيدو
كابتن رشيد عبد الله المدير الفنى لمنتخب مصر للوشو و الدان الخامس للكراتيه الشوتوكان
كابتن محمد محمود صالح كبير مدربى الكابويرا بمصر
كابتن تامر طلعت للنينجوتسو
و العديد من الاسماء الاخرى

تشمل الدورة خليط من الرياضات التاليه
الايكيدو
النينجوتسو
المواى تاى
الكونج فو
الكابويرا
الجوجتسو
MMA

متطلبات الدورة
عدد 1 صورة شخصيه
عدد 1 صورة البطاقه
بدله كراتيه او جودو او تايكوندو او وبنطلون تريننج و تى شيرت ذو اكمام طويله
عصا خشبيه بطول 90 سم
حبل بطول 120 سم
سكين خشبيه او كاوتشوك

فتح باب الاشتراك من يوم 21- سيبتمبر 2009 الى يوم 1-10 - 2009
بعد ذلك يضاف على مبلغ الاشتراك 100 جنيه مصرى

يحصل المشارك على شهاده بختم الجمعيه و بامضاء كل السادة المحاضرين
مسموح للمشاركين بالتصوير الشخصى لاحداث الدورة
للاستفسار اتصل على
0121526784
info@eamaryu.com

وكل عام وحضراتكم بخير
م. تامر طلعت
رئيس مجلس إدارة الجمعية

 

بتوفيق للجميع

شكرا لك اخي الكريم

 

بالتوفيق للجميع بأذن الله

 

يابنى كفايه بقه ارحم نفسك
كفايه عليك منتداك الناجح
كفايه نكش فى الناس واستغلال المنتديات المحترمه للاعلان عن سلع رخيصه
كفايه نجاحك المنقطع النظير هههههههههه وطفش منك الناس
ولم التعابين
الرحمه حلوه
انت خلصت نصب على كل الناس اللى فى منتداك
وبتدور على منتدانا بس ما تحملش هم الناس بتاعتنا واعيين اوى للكلام المعسول ده
كفايه كده عليك

 

ياكابتن على
تدريب ساعتين لمدة 6 أيام مش هيعمل منهم أبطال أو خبراء فى أى شئ من الحاجات دى والا يبقى ايه الفرق بين اللى اتدرب سنين واللى اتدرب يومين وربنا يهدى الجميع

 

مشكور على الموضوع

 

علمنا منكم ان دورة الجوجتسو الاولى 5 ايام كانت ف ازاى 6 ايام مش كفايه و خمس ايام كفايه
و عند حوار البعض عن الشيهان قالو يروحوا يشوفو تدريب الكراتيه ف دار الاشاره و هيعرفوا النجاح من الفشل
نصب ايه اللى فى موضوع الدوره هل تعيب ف من يحاضر فى هذه الدوره؟؟؟؟؟؟؟؟؟؟؟؟؟؟؟؟
كابتن رشيد عبدالله مدير فنى منتخب مصر للوشو و 5 دان كراتيه
كابتن محمد السيد نيدان جودو و 5دان ايكيدو و مدرس ماده الايكيدو للسنه الرابعه بكليه الشرطه و القى عديد من الدورات للقوات الخاصه المصريه

اين انت من هؤلاء و انجازاتهم ؟

كابتن هلال احمد المستوى 12 مواى تاى و الدان الخامس كيك بوكس و كما دوليا و مفوض المواى تاى بمصر و كبير مدربيها
كابتن ايمن السباعى او هشام رياض احدهم يشارك فى الدوره هل تعلم عنهم ؟
محمد تايجر من غيره بمصر للكابويرا ومعه فريق اللهم صلى عل النبى سواء كابويرا او باركور محمد صبحى - مهاب - جمال - تامر بدر الدين تعرف عنهم شئ عشان تقول نصابين؟؟؟؟؟؟؟؟؟؟؟؟؟؟؟؟
تامر طلعت من غيره للنينجوتسو بمصر ولا هو خلاف شخصى معاه يخليك تقول عليه نصاب بعد ما كنت بتغنى باسمه بين الناس هى دى حكمة الكبار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللى نعلمه انك مطرود من منتداه لسوء السلوك كاللذى تتبعه الان هل هذا صحيح؟

اخجل من كلامى بهذه الطريقه مع رجل فى سن والدى ولكن ما دفعنى الى هذا هو طريقتك فى الهجوم على ناس محترمين
ربنا يصلح حال الجميع و يعافينا من خطاء اللسان و يملاء قولبنا بالتسامح و الرحمه

 

سلامو عليكوم

اعتقد مبدئيا انها هتبقى دورة محترمة جدا وهتعمل شغل عالى ان شاء الله

ثانيا الشيريهان اللى اتكلم بطريقة تدل انه موش مقاتل اصلا ولا عمره اتعلم اى حاجه من الفنون القتالية اللى مارسها لان اعتقد انها بتهذب صاحبها واخلاقياتو

وثانيا الاخ كرم اللىكان فرد مشارك فى الدورة الاولى اللى اكنت 5 ايام ازاى حضرتك بقيت مدرب من ال 5 ايام دى ؟؟

وده فيديو لمهارة الاخ كرم صلاح فى الاغماء فى اخر الفيديو

 

ايجى باركور اعمل بكلام الشاعر
قل ما شئت في مسبتي فسكوتي عن اللئيم جواب .. ليس ضعفاً مني ولكن ما من أسد يرد على ال.......

 

الوضح من الفديو ان الي قام بالشغل كله مع كبتن عزيز وزوجتة الناس الي في الجمعية والفديو خير دليل وان كبتن كرم يعني تقريبا مش باين خالص وزي ما 5 ايام عملو منك مدرب جوحتسو 6 ايام هيعملو ناس يبداو يفهمو يعني ايه فنون قتال واحترام ذتهم بدل من اتهم الناس بالباطل والتدريب من دورة مدته خمس ايام

 

برجاء من إدارة المنتدى حذف هؤلاء الأشخاص لسوء خلقهم الواضح من المنتدى حيث أن زائر الليل هو تامر طلعت رمضان رئيس الجمعية المصرية للرياضات الفردية والنزالية وانتم سوف تعلمون ذلك جيدا من معرفة IB الجهاز الذى تم التسجيل من عليه بإسم مختلف وحذف Aikido 2 أو أى شخص يساق من طرف تامر طلعت أو يعطى لجامه له
أما بالرد على كلامهم الذى يتحلى بالسفه
بخصوص 5 أيام الدورة فالماستر عبد العزيز قام بإعطائنا دورتين إجمالى أيامهم 12 يوم بين كل دورة منهم 6 أشهر وهو جاء لينظر من يستحق ان يدرب فى غيابه لا مجاملة ولا امر تشريفى كما انتم تريدون بل امر تكليفى وتم إعطائنا منهج تعليمى إبتدائى ومتقدم فى حالة غيابه وكنتم تلهثون حتى تحصلوا عليه وعند إطلاع الماستر على خلقكم ومستواكم تم رفضه لأن تأخذه نسخة من هذا المنهج لسوء استخدامكم له ووفق فى الرأى لأنكم بالفعل لستم أهلا له .

أما بخصوص الفيديو المقطع والملفق بأنكم كنتم بجوار الماستر فليس هذا دليلا على انكم تعلمتم جوجيتسو او تستحقون ان تكونوا مدربين ولو كنتم كذلك لأشرككم الماستر فى فريق العمل طرفنا والأمر الأخر هو أعطى التفويض لى بفضل الله وأعلم السبب أمام الجميع كونى أنى مدرب جودو وحاصل على أسود مصرى وأسود دولى فى الجودو غير الحزام الأسود فى الأيكيدو وقد أخبر ان حزام أسود جودو يعادل تقريبا أزرق جيوجيتسو عوضا عن اننى كنت لاعب جوجيتسو يابانى على يد الماستر فرج مفيد المقيم فى أمريكا حاليا فقد وفق فى هذا وأى لاعب جيوجيتسو يقول أن الجودو ليس طريقا قريبا للجوجيتسو فهو جاهل بالجوجيتسو والجودو

وبخصوص فريق العمل فهو أختار فريق عمل من المدربين يتدربون تحت يدى أسبوعيا للتطوير من أنفسهم ومن لاعيبهم وقد تم ذلك بفضل الله تعالى ويمكنكم ان تروا لنا خبراتكم التى تتحدثون عنها على أرض الواقع وعلى البساط فى البطولات القادمة فليس الفتى من قال انا بن فلان وبن فلان ولكن الفتى من قال ها أنا ذا

والأمر المؤسف أنكم تتحدثون بنبرة الإستهزاء من الشيهان ومن الإهداء بالفيديو لمهارة الأغماء للأخ كرم صلاح كما تتباهون به
فأقول لكم أيه الجهلاء الذين لاتعلمون شيئا عن الرياضة وعن الروح الرياضية والفيديو هذا أكبر دليلا على جهلكم فليس من الأمر المؤسف أن يكسب الماستر عزيز الشيريقى بطل العالم لعام 2009 لاعب جوجيتسو مبتدئ فأين أنت أصلا يا رئيس مجلس الإدارة المحترم ومتقوليش ان الإهداء ده طلع بدون معرفتك ولا هتبقى وحشة فى حقك قوى من الماستر واين مهاراتك امامه ولو على التسليم والهزيمة انا ممكن انزل ليك فيديوهات كتيرة قوى وانت بتلعب معايا جوجيتسو وانت بتنفض البساط مش بتسلم واللى حواليك فى الجمعية يعرفوا الأمر ده كويس قوى بس انا مش هعمل كده عارف ليه عشان منزلش لمستوى تفكيركوا المخزى والأمر الثانى انا كنت بعتبرك دايما لاعب بتتمرن تحت ايدى عشان تتعلم زى اى لاعب بمرنه ولو انت جامد قوى كدا فأنا عاوز اقول لك حاجة مستوى كرم اللى بتتريق عليه ده لو لعب معاك انت شخصيا ممكن مش يكسبك بس لأ ممكن ياكلك على البساط لأنى انا كنت بمرنكوا انتوا الأتنين وعارف مستوى كل واحد فيكوا
ولو عاوز تنجح شغلك يا حكيم دارى على قلة خبراتك الفنية بالأخلاق عشان متبقاش منبوذ فى كل حاجة أما بخصوص كلامك وانت بتقول
ك تامر من غيره للنينجوتسو بمصر ولا هو خلاف شخصى معاه يخليك تقول عليه نصاب بعد ما كنت بتغنى باسمه بين الناس هى دى حكمة الكبار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ده أكبر دليل على النصب ان مفيش غيرك فى مصر يبقى جبتها منيين هتقولى من عن طريق النت هقولك اى حد ممكن يمتحن ويشترى شهادات عن طريق النت عشان يدوب يصل لمستوى لاعب يعنى مينفعش يبقى مدرب من النت والإسطوانات ولو حد قالك غير كده يبقى بيعمل زيك والأمرمش صعب ان باقى الناس تشترى شهادات نينجوتسو والدليل على كلامى اللينك ده اى حد عاوز نينجوتسو يتفاعل مع هذا اللينك
http://ninjutsu.com/taikaipoll
فعييييييييييب عليييييييييييييك لو سبت كرم وباقى الناس ترد عليك انت وجمعيتك هيقطعوك وانا داخل ارد عليك لسببين كونك تحاول تشوشر على اى حد من فريقى مش هسكت لك والسبب التانى عشان احوش من عليك هجمات وردود كتيير هتوجعك وانت مش قدها ولا انت بقيت فاضى للمنتدى ده بعد ماتعمل هاك على منتداك يا ....... أسد
وأعتقد القارئ بعد ما شاف ده كله عرف من هو زائر الليل وانا مستغرب لحد دلوقتى الناس اللى حواليك فى الجمعية سيبينك تتصرف لوحدك وبدماغك ده لحد إمتى

 

يتم اغلاق الموضوع لما فيه من تجاوز وتعدي على الاخرين من المشرفين والمدربين وسيتم حذف الموضوع بعد ترك فرصة للجميع لقراءة الردود الموجودة فيه وقد تم حذف مواضيع مشابهة
ونرجو من الاعضاء الذين استلموا تحذيرات وانذارات الا يكرروا نفس الاخطاء مرة اخرى ان ارادوا الاستمرار معنا في المنتدى
نسال الله التوفيق للجميع