انا وعفريت الفانوس

لقيت الفانوس مرة ودعكته -- طلعلى عفريت قاللى شبيك لبيك​

قلت خلاص الذل أنا ودعته --​

ويا عفريت بالطلبات هاهريك​

قالى هأوأو يا إنسان -- دانا العفريت بن الجان​

ما يهمنيش مكان وزمان -- واطلب وعندى البرهان​

قلتله عاوز قمح -- ومسؤولين يبطلوا فشر​

وحكومة متعصرنيش عصر -- ومرتب يسترنى لآخر الشهر​

وعاوز عيش بدون طوابير -- وحكومة ضد التبذير​

وانتخابات من غير تزوير -- ورئيس سابق أشوفه كتير​

وعاوز فى بيتى كيلو دقيق -- وسبب مقنع لأى حريق​

ومجلس شعب بدون تصفيق -- وفى كأس العالم لينا فريق​

وعاوز أزور شرم الشيخ -- ​

وأشرب مرة عصير بطيخ -- وأخرج من القسم بدون تلطيخ​

ونفسى الضحكة ترجع تانى -- ​

وجنيه مصرى زى البرانى -- ورصيف للمشى أنا وخلاّنى​

رد العفريت عليا بغشم -- وقال يا مصرى ماكنش العشم​

بص.. أنا ممكن أنقلك الهرم -- واسدلك الأوزون اللى اتخرم​

وأرجعلك الأكل اللى اتهضم -- وأعملك بقرة من الغنم​

وأعملك قصر من العدم -- وأقولك معنى شرم برم​

بس طلباتك طلبات ملموس -- عقله خلاص أكله السوس​

ده تخطيط يا بنى ومدروس -- إنك تعيش على طول موكوس​

وأحنا بناخد منكوا دروس -- إزاى نخلى العفريت متعوس​

ويا رب ترجعنى تانى الفانوس -- وزى بعضه أعيش محبوس​

بدل ما أخرج واتبهدل زيك -- وأعيش موكوس على متعوس​

​

 

ههههههههههههههههههههههههههههههه
والله حلوة كتييير يا اخي الكريم الكابتن علي عبد العزيز
تسلم ايدك على الموضوع الحلو بس لما تخلص من الفانوس ابعتهولي :evil_lol::evil_lol::evil_lol:

 

يا سلام!!
من عنيه
غالى والطلب رخيص
ههههههههههههههههههه

 

:clap::clap::clap:
هههههههههههههههههههههههههه
مشكور استاذ علي على الموضوع

 

جميله اوى يا كوتش .....بس كلام فى السياسه ..هيئفلولنا المنتدى :baffle:

 

شكرا لمرورك الكريم حبيب قلبي
كابتن هيثم
​

 

لالالالالالالالالالالا
ماتخافش حبيبي كابتن يوسف
قل لن يصيبنا الا ما كتب الله لنا
وطول ما انت مسلمها لله متخافش من البشر ابدا
​

 

ههههههه
انا بهزر على فكره يا كوتش :nosweat:

 

هههههههههههههههههههههههههه
مشكور استاذ علي على الموضوع

 

lمشكور كابتن محمد لمرورك الكريم

 

السلام عليكم ورحمة الله وبركاته​

أضحك الله سِنك أستاذ على​

وهذا هو الهَم الذى يُضحِك ويُبكى فى نفس الوقت​

والسلام عليكم ورحمة الله وبركاته​

 

​

 

lمشكووووووور سي ايمون