ساعدونى جزاكم الله كل خير

السلام عليكم ورحمة الله وبركاته

اخوانى الاعزاء انا اخوكم فى الله اسمى تامر مصرى من مدينة المنصوره

ارجو ان تتسع صدوركم لموضوعى هذا

باختصار كان حلم حياتى منذ الصغر انى اصبح مصارع محترف ..
وطبعا كما يعلم الجميع لا يوجد اى اتحاد مصارعه فى مصر او فى اى دوله عربيه ..
المهم قررت انى ابدأ التدريب واسافر للخارج للاحتراف
اتجهت لرياضة كمال الاجسام والملاكمه

المهم بعدما وجدت هذا المنتدى الرائع وجدتها فرصه كبيره لتحقيق حلمى ..
انا احلم يا اخوانى انى اصبح مقاتل ام ام ايه
سواء كان هذا فى مصر او لو اضطررت للسفر للخارج
المشكله انى اريد ان اعرف بعض الاشياء
1- هل يوجد فى مصر او اى دوله عربيه اتحاد احترافى لرياضة ال ام ام ايه .. مثلا كاليو اف سى ؟؟؟
2- اذا كان لايوجد هل يمكن ان ابدأ بالتدريب هنا ثم السفر للاحتراف فى الخارج اوروبا او امريكا ..
3- اين يمكننى التدريب هنا وكيف اؤؤهل نفسى بأن اصبح مقاتل ام ام ايه محترف ..
4- المشكله الاكبر والتى اعرف ان الكل سيعترض عليها ان عمرى الان 28 سنه ..
ولكن طول ما الانسان بيستعين بالله عز وجل وعنده اراده قويه وتوكل على الله سيحقق ما يريد فى اى وقت وتحت اى ظروف ..

ارجو ايها الاخوان الكرام ان تأخذوا موضوعى بجديه وياريت يفيدنى احد المتخصصين فى هذا المجال

وجزاكم الله كل خير

 

عزيزي بما انك مصري فيساعدك بهذا الامر الاخ العزيز الاستاذ كرم صلاح ادخل على ملفه الشخصي هنا بالمنتدى وابعث له رساله وسوف يساعدك باذن الله

 

جزاكم الله كل خير ياأستاذنا الحبيب كابتن هيثم

من الواضح ياأخ تامر ان حضرتك متعرفش ان mma موجودة فى مصر حاليا ولها بطولة دولية فى مصر هى بطولة E.M.A.C وهتلاقى فيديوهاتها على موقع اليوتيوب لو كتبت mma in egypt
ولينا جروب على اليوتيوب هتلاقى فيه كل التفاصيل عن البطولة EGYPT MMA CHAMPIONSHIP ده اسم الجروب والايفنت وهتلاقى فيها تعريف وافى عننا

أما بخصوص العمر فهو ليس بمشكلة فى بطولتنا لكن يستحيل معه الاحتراف بالخارج خاصة مع عدم وجود بطولات دولية بأى فن قتالى مع حضرتك حسب ما أنا فاهم من موضوعك وأتمنى تكون معانا ان شاء الله بين اخوانك أبطال البطولة

 

اخيرا شرفت الموضوع بتواجدك يا استاذ كرم

كنت بحاول ابعتلك رساله بس كان لازم اعمل عدد معين من المشاركات الاول

جزاك الله كل خير على ردك واهتمامك اخى الغالى

كنت عايز اعرف بس من حضرتك ازاى فيه بطولات mma .. يعنى افهم من كلامك انه فيه اتحاد فى مصر
لل mma مثل مثلا ال ufc فى امريكا ؟؟؟

يعنى اتحاد احترافى بعقود وكده ولا النظام ازاى بالظبط

ولو عايز اكون مع حضرتك ايه الى ممكن اعمله؟؟؟؟.

وطبعا يشرفنى انى اكون مع حضرتك ومع الاخوان فى البطوله

تحياتى لك

 

استاذ كرم ..

شاهدت المباريات على اليوتيوب وهى مبارايات رائعه ومستوى الاخوان جميل جدا ..

ولكن اخى الكريم ...

لماذا لا نقيم اول اتحاد احترافى للفنون القتاليه المختلطه ؟؟؟

يعنى عروض اسبوعيه وعروض شهريه ...

كل ما يلزمنا هو مكان كبير لاقامة العروض وكاميرات للتصوير وحكام ومذيعين

والاهم التعاقد مع قناة فضائيه لاذاعة العروض ..

ارجو ان تدرس الفكره وترد على وانا على استعاد للتنسيق معك فى هذا الامر

تحياتى

 

بارك الله فيك ياأخى الحبيب كابتن تامر

الحمدلله رب العالمين عندنا لاعبين ممتازين جدا وكانوا أبطال فى فنون سابقة قبل التحاقهم بتدريب mma منذ أكثر من عام

والفكرة بالنسبة للاتحادات وانشاء اتحاد فهى كالآتى :-
مفيش اتحادات mma فى أى مكان فى العالم أساسا بس احنا العرب للآسف متمسكين بالمصطلحات الرسمية الروتينية الحكومية العقيمة

هتسألنى طبعا ازاى مفيش اتحادات ؟ ولو مفيش تبقى ufc و ifl وغيرها يطلعوا ايه؟!!
الاجابة هى ان دى مش اتحادات دى أسماء البطولات فقط لاغير ويوجد أكثر من مئاااااااااااااااااات من هذه البطولات فى العالم لكل منهم اسمها ومنظميها ورعاتها الممولين لها وبيختلف مستواها من بطولة الى أخرى حسب قانونها والقيمة المالية لعقودها وعشان كده احنا عملنا بطولتنا الدولية المفتوحة هنا فى مصر باسم E.M.A.C وبما أننا لسه فى البداية فلها اشتراك وبها جوائز بسيطة تمهيدا لايجاد رعاية مناسبة ووسائل اعلام أقوى بخلاف اليوتيوب والمنتديات والفيس بوك والحمدلله رب العالمين احنا فى تقدم دائم من الناحية التنظيمية والاعلامية وكذلك التمويل من خلال الشباب المخلص المتعاون معنا من مختلف التخصصات وبكده يرتفع شأن بطولتنا بسرعة كبيرة ان شاء الله حتى تنافس البطولات الخارجية وترتفع قيمة جوائزها باذن الله تعالى