أدخل واكتب ال mix المفضل بالنسبة لك فى القتال الحقيقى _ولماذا اخترته؟

بالنسبه لي مواي تاي مع جيو جتسو ومصارعه حره مع اكيدو :clap:

 

اختيار جميل ياأخ حمد
بس على فكرة كل تكنيكات الآيكيدو هتلاقيها فى الجوجيتسو ومش هتحتاج اطلاقا للتدريب على الآيكيدو بشكل خالص

 

أنا من رأيي مواي تاي وأيكيدو وبعد كده شوية جوجيتسو برازيلي طبعا المواي تاي عشان الكمات والركلات والأيكيدو عشان التخلص من المسكات عن طريق الرمي مع عدم النزول للأرض حسب الظروف وطبعا الأسلحه والجوجيتسو عشان لو نزلت أرضي تعرف تتصرف بس كده

 

لا أعلم ياأخى محمود لماذا يصر الكثيرين على تعلم الايكيدو مع فنون شديدة الفعالية مثل المواى تاى أو فن شامل مثل الجوجتسو
كما أن رميات الجودو أفضل ألف مرة فى قوتها من الآيكيدو

 

أنا هقولك لية عشان الجوجيتسو الشامله هية اليبانية الحديثه وجنبها مافيش أيكيدو لأن كل حركاته منها والتقليدية برضو حركات الأيكيدو مستخرجه ومخففه منها لاكن أنا قصدي يتلعب الأيكيدو مع البرازيلية لان البرازيله كلها لازم تنزل علي الأرض فنستخدم الأيكيدو عشان ترمي الخصم بدون ماتنزل معاه لو حبيت لاكن لو الجوجيتسو اليبانية الحديثه أو التقليدية فمش هنحتاج أيكيدو خالص ده من رأيي

 

كلام جميل ياأخ محمود
بس على فكرة البرازيلية كمان شاملة لسبب مهم ألا وهو تعدد أنظمتها القتالية يعنى مثلا

جوجتسو كومباتيف
وهو نظام بالجوجتسو مخصص للجيوش والشرطة ويهتم بالتعامل ضد الخصم المسلح وضد عدد من الخصوم فى وقت واحد وكذلك فى الآماكن الضيقة وغير ذلك من مستلزمات قتال الشارع

ونظام فاليتودو
وهو الجوجتسو مدمجة مع كافة أشكال وأنواع الضربات واللطمات اللى تخطر على بالك ومن جميع الزوايا وبكافة أسلحة الجسم الطبيعية

ونظام الجرابلينج الصافى وينقسم الى نوعين وهم القتال بالبدلة والقتال بدون البدلة

وهذا لتصحيح الفكرة ياأخى بالنسبة لشمولية الجوجتسو البرازيلية

أما بخصوص ضعف الآيكيدو فى القتال المفتوح فهو لعدة أسباب أهمها عدم فعالية تقنيات المعصم بسبب ارتداء القفاز
ثانيا عدم فعالية الوقفات والتحركات ووضعية الدفاع بسبب سرعة وقوة لكمات وركلات الخصم وخاصة أن ضرباته غير مباشرة وكثيرا مايسبقها خدعة
ثالثا ليس كل وضع قتالى يصلح لاستخدام طاقة الآيكى التى تستغل قوة واندفاع الجسم ضده
رابعا الأيكيدو يتعامل مع كل عضو يتم كسره وكأنه وحدة مستقلة بذاتها عن الجسم فلا يوفر دفاع لباقى أجزاء جسمه وهو مايجعل ممارس الآيكيدو يتشبع ضربا من باقى أسلحة الخصم الغير مؤمنة
خامسا رميات الجودو والمصارعة أشد فعالية فى القتال الحر لآنها تستعمل شئ من القوة المقبولة أكثر من الآيكيدو

 

أولا هل عما بتروح تدرب جوجيتسو برازيلية هتدرب كومباتيف لأ طبعا فبالتالي تكون شامله لو كان التكنيكس الرسمية فيها كومباتيف وطبعا ده باين لو شوفت أي موقع تعليمي ليها هتلاقي تكنيها جرابلنج بس فالكومباتيف ذي مابتقول غير متوفر لعامه الشعب هاها يبقي ولا أكنها موجوده
وطبعا بتقول الكومباتيف خاص بالشرطه يعني أي مدرب جوجيتسو برازيلية هيدربك جرابلنج صافي وبالتالي دي أستفادتك إلي هتخدها بس ثانيا الفالتيدو عباره عن جرابلنج صافي مضافله تاي بوكنسنج مثلا طب فين الدفاع ضد الأسلحه طب فين التصدي لأكتر من شخص ولزما تنزل الأرض عند رمي الشخص فبكده هينفع الفالتيدو مع واحد لواحد بس عشان كده قولت أكمله بشوية أكيدو وكمان مش هنعتمد علي الأكيدو خالص بس هتستخدمه عند اللزوم يعني لو خصمك مندفع نحوك بقوة مومكن تخطفه وترمية أرضا ذي مابنشوف في المصارعه الحره عند اللزوم بس ده قصدي وكمان دفاع ضد أسلحه لقتال الشوارع وطبعا لو مكنش لو قيمه ماكنش لعبه ستيفن سيجال

 

لكل فن مميزاته ياأخى
لكن انت عرضت الفنون اللى تحب تستعملها لقتال الشوارع ضد الآسلحة ولا على الحلبة ضد خصم أعزل منفرد
وتحت أى وضع انت حر فيما تختاره وفيما تعتقده ولكن خلينى أسألك سؤال مهم نختم به نقاشنا ان شاء الله _ أنت تقول أن الجوجتسو كومباتيف لا يتعلمه الا الجيش والشرطة فقط لاغير فى حين أنى قلت أنه مخصص للجيش والشرطة _ وليس ممنوعا عن الآخرين _فياترى من الذى يعلم الجيش والشرطة على الجوجتسو كومباتيف ؟؟!!

يا أخى انهم مدربى الجوجتسو ذوى الآحزمة السوداء
الذين يدربون ويتدربون على الجرابلينج ببدلة وبدون بدلة وعلى الفاليتودو وعلى الكومباتيف وهم مدنيين يستخدموا لتدريب العسكريين فأين تدربوا هم على الكومباتيف أساسا ؟؟؟؟!!!

لقد تدربوا وسط المدنيين أمثالهم وليس بالجيش وبالتالى هو ليس محرما على المدنيين

 

أنا المكس إلي كتبته للحلبه وفي نفس الوقت للشارع ثانيا أنا ماقولتش أنها محرمه بس قصدي أنها مش موجوده الكومبات جوجيتسو في مصر ثالثا الي بيوصل للحزام الأسود برازيلية مش هيعرف كومبات لأنة هيعرف جرابلنج بس لاكن الكومبات دي مدرسه لوحدها ذي مثلا الجوجيتسو اليباني مدرسه لوحدها فالي هياخد مثلا حزام أسود يباني مش هيبقي شاطر جرابلنج ذي البرازيلي وهكذا ولاكن الكومبات فيها أرضي بالإضافه لحركات شبيهة بالأيكيدو وده رابط لشوية تكنيكات كومبات جوجيتسو هنشوف فيها حركات أرضي مع النزول أرضا ذي البرازيلية ذائد حركات تثبيت مع عدم النزول أرضا ذي بتاعه الأيكيدو
http://www.vidoemo.com/videodownload.php?e=X2Z2cVQzcWuRpNVAwVUU

 

لو مشتغل أدخل ألرابط ده
http://www.vidoemo.com/videodownload.php?e=X2Z2cVQzcWuRpNVAwVUU

 

i like freerunning and some mma !!

 

فعلا ياأخ أمين
وعندنا حكمة فى مصر بتقول ( الجرى نص الجدعنة )
وأنا عن نفسى بقول ان فى بعض الآوقات بيكون الجرى كل الجدعنة
ولا أظن انى هتعارك مع 3 شباب مسلحين بأسلحة بيضاء مثلا

 

أنا أفضل المواي تاي لكني أستخدم الملاكمة واللو كيك في الشارع وأقول ان المقياس ليس الرياضة المقياس هو الاحتكاك والخبرة القنالية

 

تمام ياأخى القناص بس لو اتمسكت هل هتقدر تستخدم اللوكيكس والملاكمة

 

انا عن نفسي افضا مزيج عندي هو الأيكيدو بما فيها من حركات مؤذية مع التكوندو ( التي هي في الأساس اخذت من الكاراتيه و الكونغ فو ) و ما فيها من ليونة و ركلات عالية و سرعة ةو خفو مع الموي تاي أو الموي تشيا اساس الموي تاي و ما فيها من صلابة و شراسة و قساوة و كلينشات و غيرها

 

صدقنى ياأخ محمد
الآيكيدو فن جميل ولكن باعتراف خبراؤه _ تنفيذه عمليا صعب جدا ان لم يكن مستحيل مع خصم سريع الضربات والتحركات
والتايكوندو مع المواى تاى اتجاهين مختلفين تمام من القتال من حيث أسلوب الضربات وكيفيتها رغم تشابه الآسلحة ورغم انى تدربت مع كابتن محمدبخيت 4 دان كاراتيه وبطل عالم تايكوندو الا أن بعد تدريب المواى تاى وجدت استحالة دمج الآسلوبين فى الضرب

 

افضل الجودو مع المصارعة
ومعليش على الرد المتأخر
اكيد كنت بتقول (اومال هم اختفو الكباتن في المنتدى ولاأييييييييييييه!)
هههههههههههههههههه

 

الكونغ فو روتشوان لانوا يمتاز بقوة القبضة والثبات . ورتشوان تعني القبضة الناعمة ...

 

نورتنا وشرفتنا ياكابتن وسيم حمدا لله على السلامة
وطبعا فى مصر أغلب لاعبى الجودو بيلعبوا معاها مصارعة أو سومو أو أيكيدو
وأغلب لاعبى المصارعة بيلعبوا معاها جودو أو سومو أو أيكيدو
لكن طبعا فى النهاية الجوجتسو تفوق عليهم جمييييييييييعا
حبيبى ياكابتن وسيم

 

جميل جدا ياأخى ولكن نحن نتكلم عن خليط وليس فن واحد